Deeqdani lacageed oo ay soo dhiibeen muwaadiniin Soomaaliyeed oo ku nool Dalka Mareykanka oo ay ugu horeyso Safiyoย Diiriye kana damqaday dhibane Cali C/llaahi Aadan oo ku xanuunsanaya magaalada Muqdisho kaddib markii Warbaahinta Qaranka ay baahisay dhibaatada heysata Cali oo u baahan caawimaad dhab ah.
Dhibane Cali C/llaahi Aadan oo ku xanuunsanaya xaafadda Siliga Amerikanka Degmada Wadajir ee gobolka Banaadir islamarkaana u ildaran xanuun dhinaca maqaarka ah oo dalka wax loogu qaban waayay ayaa la guddoonsiiyay deeqdaasi lacageed oo loo soo wakiishay Agaasimaha Radio Muqdisho C/rixiin Ciise Cadow, iyadoo deeqda ay eheyd 250 dolar oo wax ka mid ah noloshiisa wax ka badali doonto.
Dhibane Cali C/laahi Aadan oo xanuunkaasi u iladaran islamarkaana indhaha laโ ayaa ka mahadceliyay deeqda lacageed, isagoo sheegay in aad uu ugu faraxsanyahay kaalmada la soo gaarsiiyay, waxaana uu ka sheekeeyay dhibaatada heysata oo uu sheegay in cudurkani uu ildaranyahay muddo badan, islamarkaana uu codsanayo in gar gaar loo fidiyo.
Agaasimaha Radio Muqdisho C/rixiin Ciise Caddow oo deeqdaasi lacageed loo soo wakiishay ayaa sheegay kaalmadani in dhiiro galin ay u tahay dhibanahani islamarkaana muhiim ay tahay in dadka Soomaaliyeed ay caawiyaan Dhibane Cali oo ay ku daydaan sida uu tilmaamay Caasho Diiriye iyo muwaadiniinta kale.
Agaasimaha Radio Muqdisho C/rixaiin Ciise Cadow ayaa waxa uu sheegay in warbaahinta Qaranka ay u taagantahay soo bandhigida dadka ku dhibaateysan magaalada Muqdisho iyo guud ahaan dalka ee u baahan caawimaada maadaama ay jiraan dad Soomaaliyeed oo wehel u ah xanuuno dalka aan wax looga qaban Karin.
Haddaba Kala Xiriir Dhibanahaasi Teleefoon Number +25261-5529337
Related posts
Sawir-Qaade.Farxaan Suleiman Daahir
