Odoyaal,waxgarad,culumaa’udiin iyo dhalinyaro ku sugan dalka ayaa Kenya ayaa ugu baaqay dhinacyada ku dagaalamay gobolada Hiiraan iyo Galgaduud in ay u dhega nuglaadaan dadaalada nabadeed oo ay ka dhex wadaan odoyaasha iyo wax garadka.
Odoyaasha,waxgaradka iyo culumaa’udiinka ka hadlay kulanka ayaa waxaa ka mid ahaa Xaaji Maxamed Xaashi,Shariif,Shiikh Bashiir Cilmi,Maxamed Xaashi iyo Shiikh C/laahi.
Ugu dambeyntii baaq nabadeed oo ka kooban dhowr qodob oo laga soo saaray kulanka ayaa waxaa warbaahinta u aqriyay Mahad Macalin Axmed.
Baaqa nabadeed ayaa waxaa ka mid ahaa in la tix galiyo nabadda iyo xabad joojinta ay odoyaashu kala dhex dhigeen dhinacyadii dagaalamay.
In loo dhega nuglaado dadaalka nabadeed oo ay wadaan odoyaasha iyo waxgaradka ku howlan arrimahaasi.
In laga fogaado in aysan dib u soo noqon dagaalo la mid ah kuwii dhacay maalmihii la soo dhaafay.
In laga shaqeeyo in loo celin lahaa shacabkii ka barakay deegaanadii uu dagaalka ka dhacay.
Dhinaca kale shalay ayaa sidoo kale odoyaal,waxgarad iyo dhalinyaro ku kulmay magaalada Nairobi waxa ay baaq kani la mid ah u direen dhinacyada ku dagaalamay degmada Guriceel ee gobolka Galgaduud,iyagoo ugu baaqay in dhinacyada dagaalamay ay xabadda joojiyaan oo ay nabadda qaataan.
Kulankii shalay ayaa sidoo kale laga soo saaray baaq nabadeed oo dhowr qodob ka koobnaa.
