Dhinacyada ka qeybgalay shirka Hiigsiga 2016-ka ayaa muujiyay sida muhiim ay u tahay in la dhameystiro howlaha uu huwanyahay hiigsiga 2016-ka iyo sida ay madaxda Soomalidu iyo qeybaha ku shaqada leh uga wada shaqeynayaan xiligani, iyagoo bogaadiyay horumarka lagu Tilaabsaday.
Wakiilka gaarka ah ee Q.midoobey u qaabilsan arrimaha Soomaaliya Necholas kay oo wareysi siiyay Warbaahinta Dowladdaย ayaa sheegay in Soomaaliya ku socoto xiligani waqtigii laga gudbi lahaa howshani hortaala ayna u gudbi laheyd dimoqraadiyad.
โWaxay aheyd fursad weyn in shirkani ka dhaco Muqdisho islamarkaana Soomaaliya ay marti geliso, horay ayey u socotaa Soomaaliya, xiligii ay saboolnimada ka bixi laheyd ayaa la gaaray oo ay abuurmi lahaayeen fursado shaqo, Jawi amni, isfaham siyaasadeed, baahinta maamul wanaaga, iyo dar-dar gelinta howlaha dowladdaโ Ayuu Yiri Necholas Kay.
Madaxweynaha Maamulka koonfur Galbeed Soomaaliyaย Shariif Xasna Sheikh Aadan ayaa sheegay inay muuqato yididiilo lagu dhameystiri karo howlaha harsan oo ay ka midyihiin dib u eegista dastuurka,sameynta maamulada gobolada aan weli loo sameyn, iyo gaarista doorashada.
Dhinaca kale Shariif Xasan Sheikh Aadan ayaa codkiisa ku biiriyay in xiligani aanay suurta gal aheyn in la qabto doorasho 1 qof iyo hal cod balse ay muhiim tahay in aan loo noqon wadadii hore.
Horey u socodka iyo wax qabsiga dadka Soomaaliyeed oo shirka laga bogaadiyay ayuu duqa maagalada Muqdisho Xasan maxamed Xuseen Muungaab waxa uu ka hadlay martigelinta caasimadda Soomaaliya ee shirkan maadaama kuwii ka horeeyay ay ka dhaceen dalka dibadiisa.
