Related posts
Waxaa Meel wanaagsan maraya dhismaha waddada isku xirri doonta Dagmooyinka Dangorayo iyo Eyl oo uu dhawaanahaan dhismahoodu socday iyadoo waddada ay hada marayso deegaanka qarxis oo kala bara dagmooyinka Eyl iyo Dangorayo .
Guddoomiyaha Guddiga dhismaha wada Eyl -Dangorayo Aadan Maxamed Ciise Gaadaale oo ay wehelaan xubno ka socday qaybaha Bulshada Hormuudna ay u ahaayeen dhallinyaro isu xil qaatay ka qayb qaadashada dhismaha wadadaasi ayaa booqasho indha indha indheyn ah ku tagay halka ay mareyso dhismaha wadadaasi.
Wafdigan ayaa si heer sare ah loogu soo dhaweyay dagmada Dangorayo halkaasi oo ay hareeraha laamiga tubnaayeen bulshada dagmada dangorayo oo ay qayb ka yihiin maamulka dagmadaasi oo u heelanaa ka qayb qaadashada iyo ka mira dhallinta dhismaha wadada.
Duqa dagmada Dangorayo C/qadir Siciid C/rixmaan oo hadal kooban jeediyay ayaa shegay in ay aad ugu faraxsanyihiin dhismaha wadada ย isku xiri doonta Dangorayo iyo Eyl wuxuuna bulshada deegaanadaasina ugu baaqay in ay ka qayb qaataana dhismaha wadada iyo la shaqaynta howl wadeenada shaqada hormuudka ka ah isagoo xusay in uu yaahy mashruucii ugu ballaarnaa ee abid soo mara deeganadaasi.
Guddoomiyaha Guddiga loo xilsaaray dhismaah wadadaasi ย Aadan Maxamed Ciise Gadaale ayaa sheegay in reer Dangoroyo ay yihiin dad nasiib badan maaddama ay helaayan Waddo laami ah oo isku xirta Degmada Dangoroyo iyo Degmada Eyl.
