Duqa Degmada Gaalkacyo Xirsi Yuusuf Barre oo ay wehliyaan masuliyiin ka tirsan dowladda Hoose ee Galkacyo ayaa maanta waxa ay Kormeer ay ugu Kuur galayeen ku tageen halka uu marayo dhismaha Xabsiga weyn ee Galkacyo kaasi oo dowladda Soomaaliya qeyb-ka qaadaneyo dhismahiisu
Masuulyiinka ayaa kormeer indho-indheyn ah ku sameeyay guud ahaan dhismaha billawga ah ee uu ka koobanayahay Xasiga waxaana ay sheegeen in magaaladu ay u baahanyahay xabsi weyn oo si casri ah ee loo dhiso maadaama haatan maxaabista lagu xero saldhigyada ku yaalla degmada.
Duqa degmada Galkacyo Xirsi Yuusuf Bare oo la hadlay warbaahinta Qaranka ayaa sheegay in haatan maxaabiis farabana ay ku jiraan xaxsiyadda loona baahanyahay xabsiyo waa weyn oo lagu maareeyo dadka dambiilyaasha.
“Aad ayaan ugu baahanahayn inaan helno Xabsi maxaa yeelay waxaa jira maxaabiis garaban oo dambiyo culus galay hadana ku jira saldhigyada magaalada taasi oo aan suura gal aheyn waxaana aan soo dhaweyneynaa qorshaan lagu hirgalinayo Xabsigaan ayuu yuru duqa Xirsi Yuusuf Barre .
Dhismaha Xabsigaan ayaa ka mid ah mashaariic hormarineed ee dhawaanahaan ay wadeen Maamulka degmada Gaalkacyo ee Galmudug waana qorshe in badan laga soo shaqeynayay in magaalada loo helo Xabsi lagu maareeyo dadka galo dambiyada kale duwan oo aan lagu heyn karin saldhigyada.
