Dhul gariir quawoodiisu gaarayso 6.2 oo ah cabirka qiyaasta Rektarka dhul gariirada lagu cabiro ayaa waaberigii Saaka ka dhacay bartamaha dalka Taliyaaniga.
Dhulgariirkan oo ka dhacay meel qiyaastii 76 k m u jirta bariga magaalada Birojiya waxa u geystay burbur gaaray qaar ka mid ah dhismooyinka iydoo sida la sheegay ay ku dhinteen laba qof, lagana cabsi qabo inay weli burburka hoostiisa ay ku jiraan dad aan la soo samatabixinin.
Duqa magaalada dhul gariirku ka dhacay ayaa sheegay in qeyb ka mid ah magaaladaasi uu dhul gariirku burburiyay.
Sida laga warqabo Dhul gariir quwadiisu dhameyd 6.4 oo Sanadkii 2009 ka dhacay Degaanka Akwila ee dalka Taliyaaniga ayaa waxaa ku geeriyooday 300 qof.
