Dibad bax looga Soo horjeeday nadaafad darro iyo Biyo la’aan ka jirta Degmada Kamukunji ayaa waxa uu ka dhacay xaafada Islii ee Magalada Nairobi.
Dibad baxani oo ay soo qaban qaabiyeen ganacsatada iyo dadka deegaanka ayaa dibadbaxayaasha oo watay boorar ay ku qornaayeen halku dhigyo kala duwan waxay socod ku soo mareen qeybo ka mid ah waddooyinka waaweyn ee xaafadda islii,iyagoo ku qeylinayay erayo ay ku muujinayaan sida ay uga soo horjeedaan cashinka faraha badan ee dhex ceegaaga hareeraha wadooyinka iyo biyo la’aanta ka jirta kamukunji.
Axmed Security oo ka tirsan xafiiska xildhibaan Yuusuf Xasan Cabdi oo dibad baxa ka hadlay ayaa waxa uu ka warbixiyay ujeedka dibad baxa,isagoona ku dhaliilay dowlada hoose ee magalada Nairobi inay ka gaabisay wax ka qabashada nadaafad darida iyo biyo la’aanta ka jirta degmada kamukunji.
“Dibad baxan maanta waxaa soo qaban qaabiyay dadka deegaanka iyo ganacsatada xaafada islii iyagoo ka cabanyo dhibatada faraha badan oo dowlad hoose nagu heyso ,dowlada hoose 30,bilyan ayaa la siiyaa bil walba,anaga reer islii hadan nahay shilin kama heyno,maxaa yeelay qashinkii wuu soo batay,biyo la’aan ayaa jirto,bil barakeysan ayaa lagu jiraa biyana ma jiraan”Ayuu jiro Axmed Security.
marka anaga hadan reer islii nahay ma ogolaaneyno arrinkaas,wixii hada ka dambeeyana hadii ay wax qaban waayaan,isniinta waxan rabnaa warqad cabasho oo qoraal ah inan u geyno hadii wax nalooo qaban waayana, anaga waxan diyaar u nahay inaan canshuur bixin,canshuur ma bixinayno ilaa anaga wax naloo qabto”Ayuu sii raaciyay Axmed.
Wakiilka dowlada hoose ee degmada kamukunji Cismaan Caddow oo isna halkaasi ka hadlay ayaa waxa uu sheegay inay wax badan dowlada hoose kala hadleen sidii wax looga qaban lahaa nadafad darida ka jirta xaafada Islii.
“haddaan ahay xildhibanka laga soo doorto degmada kamukunji ee dowlada hoose ee Nairobi reer islii way diideen inay saan ku noolaadaan qashinka ,biyo la’aanta maalinkana inay lacag meeshan ka gurtaan,hadda ka didna si gooni ah ayan ula dhaqmeynaa,hadan nahay reer islii waa inaan diidno inaan lacag bixinno haddii kale qashinka hannalaga gurro maalin kasto,biyahana hannloo soo daayo”Ayuu yiri Cismaan Caddow.
Isu soo baxani ka dhacay xaafad islii ayaa waxa uu imaanayaa xili dhawaan qaar ka mid ah dhalinyarada Somaliyeed ee ku dhaqan xaafada islii oo iskood isku xilqaamay ay olole nadaafadeed ka fuliyeen qeybo ka mid ah xafada islii,iyagoona bulshada ka wacyi gelinayay halista iyo cudurada ka dhalan kara nadaafad daridda.
