Digreetan ka soo baxday xafiiska Madaxweynaha Jamhuuriyadda Soomaaliya Mudane Xasan Sheekh Maxamuud ayaa waxaa xilka looga qaaday guddoomiyihii Maxkamadda sare ee dalka Abuukaate Ceydiid Cabdullaahi Ilka xanaf iyo guddoomiyihii Racfaanka maxkamadda gobolka banaadir Xasan Cali, iyadoo xilka Guddoomiyaha Maxkamada sare loo magacaabay Dr Ibraahim Iidle Suleymaan,
Munaasabad kooban oo lagu dhaarinayay mudanaha cusub lagugana qabtay xarunta Madaxtooyada Qaranka ayaa waxa ka qeyb galay Madaxweynaha dalka, Wasiiro ka tirsan Xukuumadda, Xildhibaanno, taliyeyaasha ciidamada booliska, Nabad sugidda iyo masβuuliyiin kale.
Related posts
Cumar Maxamed Cabdulle oo ah lataliyaha dhanka sharciga ee Madaxweynaha, isla markaana saxaafadda u akhriyay.
βWuxuu xeeriyay qodobka 1aad, laga bilaabo taariikhda marka uu Madaxweynaha saxiixo, waxaa shaqadii garsoor laga fariisiyay Gudoomiyihii hore ee Maxkamadda sare Abuukaate Ceydiid ilka xanaf oo 81 jir ah, Guddoomiyaya Racfaanka gobolka Benaadir Xasan Cali oo 73 jir ah, waxaa loo magacaabay xilka Guddoomiyaha maxkamadda sare Dr Ibraahim Iidle Suleymaan, xilka banaan ee gudoomiyaha maxkamadda racfaanka gobolka benaadir, waxaa si KMG ah u sii haynaya, garsooraha ugu darajada sareeya oo sharci ahaan xilkaasi qaban kara, ilaa laga magacaabayo Guddoomiyaha maxkamadda racfaanka, Xukuumadda iyo golaha shacabka waxaa la farayaa inay si deg deg ah u dhisaan golaha adeega garsoorka, lana waafajiyo dastuurka KMG ah ee dalka iyo sharciga dhismaha golaha adeega garsoorkaβ ayuu yiri Cumar.
Guddoomiyaha cusub ee Maxkamadda sare ee dalka Dr Ibraahim Iidle Suleymaan oo ka hadlay munaasabadda markii la dhaariyay kadib ayaa sheegay in haddii adeega garsoorka dalka uu hagaago ay inta kale hagaageyso, isla markaana codsaday in lala shaqeeyo.
βWaxaa inta badan la tilmaamaa,. Marka laga hadlayo garsoorka, dadku waxa ay rabaan cadaalad, hayβadkasta oo dalka ka dhisan waxa ay bulshada u hayaan adeeg, loona baahanyahay cadaalad, marka waxaan ku weynahay inaan cadaaladda xoogga saarnoβ ayuu yri Guddoomiyaha
Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud ayaa golaha adeega garsoorka ayka midtahy tiirarka dowlanimada, waxaana guddoomiyaha cusub u rajeyneynaa guul iyo in uu sare u qaado adeega garsoorka.
Guddoomiyaha cusub ee maxkamadda sare ee dalka Dr Ibraahim Iidle Suleymaan ayaa ah masβuul aqoon durugsan u leh habmaamulka dawliga iyo dejinta sharciyada, kaasi oo ay horyaalaan howlo adag oo u baahan in uu isbadal ku soo kordhiyo adega garsoorka.
Halkan ka dhageyso DigreetadaΒ
