Magaalada Baydhabo ee xarunta gobolka Bay ayaa lagu soo waramayaa in ay ka bilaabatay diiwaangalinta iyo sharciyaynta ergooyinka ansixinaya xildhibaanada baarlamanka soo socda.
Ergooyinkaasi ayaa lagu wadaa inay soo doortaan xubnaha Aqalka hoose ee ka imanaya Maamul-goboleedka Koonfur Galbeed, kuwaasi oo ka mid noqon doona Xildhibaanada Federaalka Soomaaliya.
Wasaaradda Arrimaha Gudaha ee Xukuumadda Federaalka Soomaaliya ayaa beryahaanba waday dadaalo lagu dardargalinayo habkii loo soo xuli lahaa ergooyinka dooran lahaa Xildhibaanada Federaalka.
