Bayaan ay ka soo baxay Hay’adda Socdaalka Adduunka (IOM), ayaa lagu sheegay in Todobaadyadii la soo dhaafay, tirada qoysaska Yemeniyiinta ee ku barokacay gudaha dalkaasi ay hoos u dhacday in ka badan 40%.
IOM, ayaa warbixinteeda ku sheegtay in la diiwaangeliyay, intii u dhaxaysay January 29 ilaa 4 February, 66 qoys oo keliya, taas oo muujineysa hoos u dhacii ugu badnaa ee laga diwaan geliyo barakacayaasha Yaman, tan iyo markii uu bilowday dagaalka dalkaasi ka jira.
Warbixinta ayaa tilmaantay in waxii ka horeeyay bilowga sanadkaan, bil kasta gudaha dalkaasi laga diwaan galin jiray bishii qoysas ka badan 1000, warbixinta ayaa intaa ku dartay in gobolka Marib oo ahaa halka ugu badan ee barakacayaasha laga diwaan galiyo, bilahii la soo dhaafay laga diwaan galiyay wax ka yar 40 qoys.
Bayaanka Hay’adda Socdaalka Adduunka ayaa lagu xusay in inta badan kiisaska barakaca ay ka iman jireen gobollada Xudeyda, Ticis, iyo Ma’rib, kuwaasi oo sida ku cad warbixinta bilahii la soo dhaafay laga diwaan galiyay tiradii ugu yareed ee qoysaska ku barakacay gudaha dalkaasi Yeman.
