Diyaarad weyn oo nooca rakaabka ah ayaa caawa fiidkii ku dhacday inta u dhaxeysa deegaanka Carbiska iyo degmada Afgooye.
Taliye ku xigeenka saldhigga Booliiska ee degmada Afgooye Laba xidgle Cabdullaahi Xaaji ayaa Radio Muqdisho u xaqiijiyay in diyaaraddaasi ku dhacday inta u dhaxeysa deegaanka Carbiska iyo Afgooye wuxuuna intaasi ku daray in dadkii saarnaa oo ka koobnaa Lix qofood oo ajaanib ah ay ka soo badbaadiyeen diyaaradaasi iyagoo bedqaba.
Related posts
Sidoo kale taliyaha ayaa xusay in durbadiiba ay gaareen halka diyaaraddu ku dhacday ciidamada booliiska iyo kuwa Daraawiishta, wuxuuna xusay in bur bur weyn uusan soo gaarin diyaaraddaasi.
โCiidamada ammaanka Afgooye ayaa markiiba gaaray halka diyaaraddu ku dhacday waxaana ka soo saarnay lix qofood oo mid ka mid ah uu soo gaaray dhaawac fudud, duuliyihii diyaradda ayaana ka mid ah dadkaasi oo dhamaantood ah ajaanib, sidoo kale ciidamada AMISOM ayaa goobta soo gaaray mana naqaano cidda iska leh diyaaraddaโ ayuu yiri taliyaha.
.Diyaaradda ayaa dhacday abaaroย todobadii iyo barkii fiidnimo ee caawa.
Wixii ku soo kordha halkan kala soco
