War qoraal ah oo ka soo baxay Hay’adda Duulista Rayidka Soomaaliyeed ayaa lagu yiri “ Anaga oo gudanayna waajibaadka shaqo ee aan leenahay waxaa maanta oo Khamiis ah. 18/01/2024 aan dib ugu celinay hawada Soomaaliya diyaarad nooca xamuulka qaada (cargo) oo ka diiwaangashan waddanka Thailand (registration P4-JAG), taasoo isku dayeysay inay u kala duusho Shaariqa iyo Hargaysa”
Diyaaradda ayaa ku guul-darraysatay inay bixiso macluumaadka Xamuulka ay waddo (cargo), waxayna qaadatay Hay’adda Duulista Rayidka Soomaaliyeed go’aanka sharciga ah oo dhigaya inaysan hawada Soomaaliya soo geli karin diyaaraad aan la heyn maclumaadka.
U jeedka ayaa ahaa in la ilaaliyo sharciga duulimaadyada,Bad qabka hawada Soomaaliya,Waana in la’ogyahay diyaaradda soo galayso hawada Soomaaliya.Ciddii aan u hoggaansamin sharciga duulimaadka,Dib ayaa loo celinayaa.
