ciidamada Iiraan ayaa maanta oo Arbaca ah, bilaabay dhoolatusyo ay sameynayaan Diyaaradaha aan duuliyaha lahayn, kuwaasoo ay ka qayb qaadanayaan cutubyo ka tirsan ciidamada Dhulka, Badda, Cirka iyo dhamaanba Ciidamad kala duwan ee difaaca Dalkaas.
Afhayeen u hadlay Ciidamada oo lagu magacaabo Mahmoud Mousavi, ayaa sheegay in dhoolatusyadan ay muddo laba maalmood ah ka socon doonaan hawada Iiraan iyo Biyaha Khaliijka.
Related posts
Afhayeenka ayaa intaa ku daray in dhoola tusyada ay kaga dan leeyihiin sare u qaadidda tijaabooyinka Diyaaradaha aan duuliyaha lahayn, si looga hortago weerar kasta oo suurtagal ah in ay geystaan waxa uu ugu yeeray Ciidamada Cadawga.
Xukuumadda Washington ayaa horay Dehraan ugu eedeeysay in xulafadeeda gobolka ay ku taageerto farsamada diyaaradahan aan duuliyaha laheen, iyo in Ruushka ay siisay qaar ka mid ah diyaaradaha aan duuliyaha lahayn ee dagaalka kula jira Ukraine, taas oo Moscow iyo Dehraan ay ย si wada jir ah u beeniyeen.
