Wararka laga helayo dalka Suuriya ayaa sheegaya in diyaaradaha dagaalka ee faransiiska ay duqeeyeen magaalada Raqqa oo ay ku badan yihiin Kooxda la magac baxday Dowladda Islaamiga ee Daacish.
Wasaaradda gaashandhigga ee dalka Faransiiska ayaa sheegtay in diyaaradaha ay duqeeyeen dhawr bartilmaameed oo ay ku jiraan saldhig Ciidan, goob lagu kaydiyo hubka iyo xarumo lagu tababaro maleeshiyaadka Daacish.
Duqaymaha diyaaradaha Faransiiska ee dalka Suuriya ayaa imaanaya xilli jimcihii la soo dhaafay magaalada Paris ee dalkaas ay ka dheceen weeraro ay sheegteen masโuuliyadeeda kooxda Daacish taas oo keentay in faransiisku uu bartilmaameedsado xarumaha kooxda Argagixisada Daacish ee Suuriya.
