Diyaargarowgii ugu dambeeyay ee maalmaha ciidul-fidriga ayaa ka socda Muqdisho iyo gobollada kale ee dalka.
Suuqyada waaweeyn ee magaalada Muqdisho ayaa maalmihii la soo dhaafay aad u mashquulsanaa, iyadoo lagu arkayay dadweyne aad u farabadan oo ka iibsanaya agabkii ay ku ciidi lahaayeen.
Related posts
Goobaha ganacsiga ee lagu iibiyo dharka iyo macmacaanka ayaa ahaa meelaha ugu mashquulka badan, oo dadku safafka ugu jireen.
Wariyayaasha Radio Muqdisho uga soo warama gobollada kale ee dalka ayaa soo sheegaya in sanadkan ay dadku aad ugu diyaaroobeen maalmaha ciiddul-fidriga, iyagoo si nabadgelyo ah uga dukaameeysanaya suuqyada magaalooyinkaasi.
Si kastaba ha ahaatee Bulshada Soomaaliyeed ee ku nool dalka ayaa u muuqata iney si ka duwan sanadihii hore ugu diyaaroobeen ciiddan, iyagoo rajeeynaya iney nabadgelyo farxad leh ugu dabaaldegaan ciiddul-fidriga foodda nagu soo heysa.
