Dood Cilmiyeedkani oo socday mud 5 maalin ah ayaa maanta lagu soo gaba gabeeyay magaalada Muqdisho waxaana ka faa’ideystay ka 63 ka mid ah Howlwadeennada Caafimaadka Soomaaliya, waxaana mudadaasi uu socday lagu baranayay Badbaadinta Hooyada iyo dhalaanka Soomaaliyeed iyadoo ay soo qaban qaabisay doodaasi Hey,adda Pac oo Fadhigoodu Yahay Dalka Sucuudiga.
Xiritaanka Dood Cilmiyeedkaasi ayaa waxaa ka qayb galay Maanta Mas’uuliyiin ka tirsan Dowladda Federaalka ah Ee Soomaaliya oo ay ka mid yihin ku simaha Wasiirka Caafimaadka Xukuumadda Soomaaliya ahna ku xigeenka wasiirka wasaaradaasi Cusmaan Maxamed Cabdi Daalo, Xildhibaan Maxamed Cumar Dalxa, Agaasimaha Guud ee Wasaaradda Caafimaadka iyo Mas’uuliyiinta Hay,adda Pac.
Dr Cabdiqani Sheikh Cumar Agaasimaha guud ee Wasaaradda Caafimaadka Soomaaliya ayaa waxaa uu sheegay in Wasaaradda ay ka go’antahay in Dadaalada Hey’adaha Caafimaadka ka wadaan Dalka la sii Xoojiyo Dhaqaatiirta loo soo xiray Dood Cilmiyeedka ayuuna kula dar daarmay in ay Dadka gaarsiiyaan aqoonta ay barteen ugana faa’ideeyaan.
Xildhibaan Maxamed Cumar Dalxa oo ka mid ahaa Mudanayaasha baarlamaanka ee ka qeyb galay Xiritaanka Siminaarka ayaa waxa uu Mahadnaq balaaran u jeediyay Mas’uuliyiinta Hay’adda Pac Dadaalka Dhanka caafimaadka ah ee ay la garab taagan yihiin Bulshada Soomaaliyeed waxaana uu u rajeeeyay in ay sii wadaan Dadaalkaas.
Guddoomiye ku xigeeenka Hey’adda Dood Cilmiyeedka u qabatay Dhaqaatiirta Soomaaliyeed Ee Pac Dr C/xakiin El Qaddan ayaa waxaa uu sheegay in Ujeedkoodu yahay in Hooyada iyo dhalaanka Soomaaliyeed la bad baadiyo oo aysan Micno daro u dhiman Caawintooda Bulshada Soomaaliyeedna aysan intaa ku Ekaan doonin.
Ku simaha Wasiirka Caafimaadka ahna Wasiir ku xigeenka Wasaaradaas Mudane Cusmaan Maxamed Cabdi Daalo oo Gabagabadii ka hadlay Xiritaanka Dood cilmiyeedkaas ayaa waxaa uu sheegay in wasaaradda Caafimaadka Qorshaheeda Sanadkan uu yahay in Hooyada iyo dhalaanka Soomaaliyeed aysan Daryeel la’aan u dhiman oo adeegyo Caafimaad oo dhameestiran ay helaan.
