Kulankan ay bulshadu kaga doodayeen qabyo qoraalka Dastuurka maamulka Mudug iyo Galgaduud ee maanta lagu qabtay Cadaado ayaa waxaa soo qabanqaabiyay Guddiga farsamada, iyadoo ay ka soo qaybgaleen ilaa 60-ruux oo qaybaha bulshada ka kooban.
Cusmaan Ciise Nuur Taardhuleed oo ka mid ah guddiga farmsada ayaa furay kulankan ay bulshadu kaga doodayeen qabyo qoraalka Dastuurka, waxaana uu sheegay in guddigu uu kala tashanayo dastuurka bulshada labada gobol ka hor inta ay Ergada shirwaynuhu gacanta u taagin.
Ubax Muuse oo ah mid ah bulshada maanta ka doodaysay nuqulada uu ka koobanyahay Dastuurka ayaa sheegtay in uu Dastuuru xuquuq ka qaybgalka siyaasadda siinayo Haweenka, islamarkaana ay u aragto si wanaagsan, balse loo baahanyahay in wali laga sii doodo.
Magaalooyinka kale ee Mudug iyo Galgaduud sida C/waaq, Gaalkcyo iyo Xeraale ayaa doodahan oo kale ka socdaan si bulshada looga tala galiyo Dastuurka ay yeelanayaan.
Maxamuud Cabdi Diirshe “Cadaado”
