Kalluumeysato u dhalatay dalka Camoros ee ku yaalla badweynta India oo dooni ay wateen ku cilladowday badda ayaa ku soo caariyay xeebta magaalada Kismaayo ee gobolka Jubada hoose.
Kalluumeysatadan oo ka koobnaa shan nin ayaa la dhigay Isbitaalka magaalada Kismaayo maaddaama 45 cisho ay badda dul sabbeeynayeen.
Taliyaha Booliska Magaalada Kismaayo Col. Xasan Kheyre Axmed ayaa sheegay in baaritaan kaddib ay ogaadeen in shanta nin ay yihiin Kalluumeysato.
“Baaritaanku weli waa socdaa, waxaana sida laga yeelayo go’aanka ugu dambeeya ka gaari doona mas’uuliyiinta maamulka Juballand” ayuu yiri Col. Xasan Kheyre Axmed.
