Cabdullaahi Axmed Barre Guddoomiyaha Degmada Hobyo ayaa sheegay inay dhibaato ku qabaan doonyo shisheeye oo xaalufin ku haya inta udhexeysa xeebta Hobyo iyo Xarardheere, isagoo dowladda ka codsaday in arrintaasi wax laga qabto.
Guddoomiyaha oo la hadlayay Radio Muqdisho ayaa sheegay in doonyaha ay xaalufinayaan kheyraadka badda, isla markaana loo baahanyahay in hal meel looga soo wada jeesto sidii looga hortagi lahaa doonyaha sida sharci darrada ah ku xaalufinaya xeebaha dalka.
Related posts
βDoonyaha runtii waxa ay xaalufin ku hayaan xeebaha dalka, anaguna ma awoodno sidii aan uga hortagi lahayn, marka waxaan rabnaa in dowladda ay gacan nagu siiso sidii aan uga hortagi lahayn dhibaatada ay nagu hayaan doonyahaasi, runtii shabaagyada ay dadka kalluumeysatada dhigtaan xeebta ayay jar jarayaanβ ayuu yiri Cabdullaahi Axmed Barre.
