Magaalada Baydhabo waxaa goordhow ka bilaban doona doorashada xubnaha Aqalka Hoose ee Baarlamaanka dalka, iyadoo shalay Baydhabo lagu soo doortay 8 mudane oo kamid noqon doona Baarlamaanka cusub.
Ergooyinka dooran lahaa xubnaha Aqalka Hoose ayaa maanta ku sii qul qulaya halka ay ka dhaceyso doorashooyinka Xildhibaannad cusub ee magaalada Baydhabo, waxaana ergada ay intooda badan ka tegeen deegaannada Gobolka Shabeellaha Hoose.
Guddiga doorashooyinka heer dowlad goboleed ee Koonfur Galbeed ayaa tilmaamay in doorashooyinka ay ka dhici doonaan ilaa iyo 3 goobaad, iyadoo la filayo in halkaasi maanta lagu soo doorto 10 mudane.
