Magaalooyinka Baydhaba iyo Kismaayo ayaa saakay waxaa ka soconaya diyaargarowga la xiriira doorashooyinka Aqalka Hoose ee Barlamaanka cusub ee Soomaaliya, iyadoo ammaanka magaalooyinkaasina si weyn loo adkeeyey.
Wararka ka imaanaya magaalada Baydhaba ayaa sheegaya in saddexda maalmood ee soo socota la qaban doono doorashooyinka ilaa iyo 23-kursi, kuwaas oo 8-da kursi ee ugu horreysa doorashadooda maanta la qabanayo, sida ay sheegeen guddiga doorashada ee dowlad goboleeda K/Galbeed ee Soomaaliya.
Tirada guud ee kuraasta Aqalka Hoose ee xubnaha ka imaanaya K/galbeed ayaa ah 69 kursi.
Dhinaca kale, wararka ka imaanaya magaalada Kismaayo ayaa sheegaya in maanta loo tartami doono 7 kursi, iyadoo si weynna loo adkeeyey ammaanka magaalada. Waxaana tirade guud kuraasta Aqalka hoose xunaha ka imaanaya dowlad goboleedka Jubbaland ay yihiin 43-kursi.
