Doorashada Xildhibaanada golaha shacabka Soomaaliya ayaa maanta ka billaabatay magaalada Baydhabo, ayada oo doorashada maanta ay ku tartamayeen dhowr musharax.
Kursiga koowaad ee doorashadii maanta la qabtay ayaa waxaa ku tartamay Guddoomiyaha golaha shacabka Maxamed Mursal Sheekh Cabdiraxmaan iyo faysal Ibraahim Xasan .Waxaana soo baxay oo helay kursiga sumadiisa tahay Hop#182 ee Golaha Shacabka Baarlamaanka Soomaaliya Maxamed Mursal Sheekh Cabdiraxmaan oo helay Codad dhan 88-cod oo uu kaga guuleystay musharaxii kale ee la tartamayay .
Kursiga labaad ee doorashadii maanta la qabtay ayaa waxaa ku tartamay Mudane Aadan Maxamed Nuur (Saran-soor) iyo Mudane Zakariye Maxamed Cabdi.Waxaana soo baxay oo helay kursiga sumadiisa tahay Hop#170 ee Golaha Shacabka Baarlamaanka Soomaaliya Mudane Aadan Maxamed Nuur (Saran-soor) oo helay Codad dhan 82 halka musharaxii la tartamayey ee Zakariye Maxamed Cabdi uu isna heley Codad dhan 12.
Kursiga seddexaad ee doorashadii maanta la qabtay ayaa waxaa ku tartamay Fowsiya Maxamed Sheekh iyo Khadiijo Maxamed Ibraahim. Waxaana soo baxay oo helay kursiga sumadiisa tahay Hop#171 ee Golaha Shacabka Baarlamaanka Soomaaliya.Fowsiya Maxamed Sheekh oo heshay Codad dhan 84 halka musharaxii la tartamaysay ee Khadiijo Maxamed Ibraahim oo iyadana heshay Codad dhan 13.
Waxaa lashaaciyay 4kursi oo maanta ah 27.11.2021 lagy balansanaa inay Magaaladda Baydhabo kadhacdo hase ahaatee waxaa hakin agu sameeyay mid kamd ah kuraasta oo ay hakiyeen Guddiga Doorashooyinka Heer Federaal ooh akin ku sameeyay “Hakin doorashada kursica (HoP103)”.
