Saacadaha soo socda ayaa lagu wadaa in degmada Cadaado ee Gobolka galgaduud ay ka dhacdo doorashada Madaxweynaha Galmudug iyo kuxigeenka koowaad ee Madaxweynaha, iyadoo ay u tartamayaan musharrixiin aad u badan.
Qaban qabada Doorashada oo si der der leh u socota ayaa wariye Maxamuud Cabdi Diirshe oo ku sugan degmada Cadaado si toos ahna ula socda halka ay wax marayaan ayaa soo sheegaya in si wey loogu diyaar garoobay in any maanta dhacdo Doorashada Madaxweynaha cusub ee Dowlad goboleedka Galmudug uu yeelan doono.
Musharrixiinta ugu cad cad ee u tartamaya inay ku soo baxaan Doorashada Madaxweynaha Galmudug ayaa waxaa ka mid ah illaa iyo lix musharrax oo kala ah Cabdikariin Xuseen Guuleed, Axmed Cabdisalaan Aadan , Axmed macallin Fiqi iyo qaar kale halka musharrixiinrta kale ee u taagan inay qabtaan kuxigeenka Madaxweynaha ay iyana garayaan lix musharrax.
Wixii warar ah ee ku soo kordha Arrimaha Doorashooyinka mamulka Gobolada Dhexe Dib ayaan idin kala socod siin doonnaa halka ay wax marayaan iyo wixii la xiriira Doorashada Madaxweynaha Galmudug iyo kuxigeenkiisa.
