Waxaa aad loo adkeeyay ammaanka goobaha ay doorashooyinka xubnaha Aqalka Hoose u matli doona Hirshabeelle ay ka dhici doonan maanta magaalada Jowhar, iyadoo ay iminka halkaasi ku sii qul qulayaan ergooyinka dooran lahaa Xildhibaannada.
Doorashada xubnaha Aqalka Hoose ayaa lagu wadaa in maanta lagu qabto Hoolka shirarka ee magaalada Jowhar, halkaasi oo ay si weyn loo adkeeyay amniga goobaha doorashada lagu dooranayo, isla markaana ciidamada ay ku guuleysteen inay sameeyeen baro musharaxiinta tartameysa ilaaladooda ay joogi karaan.
Shalay ayay dib u bilaabatay musharixiinta u tartameysay xubnaha Aqalka Hoose, waxaana madaxda Maamulka Hirhshabeelle ay ciidamada uga mahadceliyeen dadaalkooda ku aadan xoojinta amniga goobaha doorashooyinka.
Dhanka kale ciidamada ayaa howlgallo amni xaqiijin ah ka bilaabay degmada Mahadaay ee gobolka Shabeelaha Dhexe, halkaasi oo ay ciidamada ka sameynayeen howlgallo lagu baadi goobayay shaqsiyaad lala xiriirinayay argagixisada Al-Shabaab.
