Kulankan oo ay soo qaban qaabisay Hay’adda horumarinta dhallinyarada ee marka magaceeda loosoo gaabiyo SOYDEN ayaa diirada lagu saaray kor uqaadista doorka haweenka ay ku leeyihiin siyaasadda iyo hogaaminta, waxaana ka qeybgalay Xildhibaanno ka tirsan Barlamanka Federaalkaa ah ee Soomaaliya, xubno ka socday Ururada Bulshada rayidka ah Ururka haweenka Qaranka iyo Aqoonyahanno kale.
Mas’uuliyiintii kulanka ka hadlay ayaa waxa ay muujiyeen sida ay muhiim u tahay in sare loo qaado doorka iyo xuuqda haweenka Soomaaliyeed ay ku dhax leeyihiin Siyaasadda, iyagoo bogaadiyay qaban qaabiyeyaasha kulanka.
Related posts
Seynab Maxamed Xasan oo ah lataliyaha Hay’adda SOYDEN ee dhinaca kordhinta awooda haweenka ayaa sheegtay in Haweenka Soomaaliyeed ay door wanaagsan ka qaaten soo kabashaa Dalka, isla markaana ay hadda diyaar u yihiin inay qeyb muuqata ku yeeshaan siyaasadda.
Xildhibaan Maryan Macalin Isxaaq iyo Xilhibaan Zahro Cabduqaadir oo labaduba ka tirsan Baarlamanka Federaalkaa ah ee Soomaaliya ayaa waxa ay haweenka kula dar-daarmeen inay dadaal badan sameeyaan si ay door muhiim ah ugu yeeshaan Go’aanada siyaasadeed ee dalka.
Haweenka Soomaaliyeed ayaa waxa ay dadaal ugu jiraan inay siyaasadda iyo hogaaminta dalka ku yeeshaan door kabadan kan ay hada leeyihiin.
