Wefdi ka socda dowlad goboleedka Koofur galbeed Soomaaliya ayaa maanta gaaray degmada Waajid ee gobolka Bakool, iyadoo halkaasi maanta tababar loogu soo gabegebeeyay ciidanka qeyb ka ah kuwo maamulkaas.
Wafdiga uu hogaaminayo Wasiirka hub ka dhigista iyo dhaqan celinta maleeshiyaadka ee dowlad goboleedka Koonfur galbeedka ayaa markii ay gaareen degmada Waajid waxaa halkaasi ku soo dhaweeyay mas’uuliyiin ka tirsan maamulka degmada.
Wasiirka hubka dhigista iyo dhaqan celinta maleeshiyaadka ee dowlad goboleedka Koonfur Galbeed Xasan Xuseen oo tababbar u soo xiray 350 askari oo ka mid noqonaya darawiishta ciidanka Koonfur galbeed ayaa ku booriyay inay ka qeyb qaataan howlgallada dalka looga xoreynayo, waxaana uu intaa ku daray in ciidanka ay u soo dhameystiri doonaan qalabkooda ciidan.
Wafdiga uu hogaaminayo Wasiirka hub ka dhigista ayaa dib ugu laabtay magaalada Baydhabo ee xarunta gobolka bay.
