Deeqdan Raashinka ah oo ka timid dowladda Cumaan ayaa waxaa maanta loo qeybiyay qaar kamid ah dadka danyarta ah ee kunool magaalada Gaalkacyo ee xarunta gobolka Mudug waxaana ka faa’iideystay inkabadan 700 oo qof kuwaasoo ay dowladda Cumaan ugu talogashay inay uga faa’iideystaan inta lagu jiro bisha Ramadaan.
Gudoomiyaha magaaladA Gaalkacyo Bile Diini Cali ayaa sheegay in deeqdan ay dowladda Cumaan usoo marisay dadkan maamulka Galmudug isagoo sheegay inay ku soo aaday xili si aad ah loogu baahnaa oo dadka danyarta inbadan oo kamid ah aanay awoodin inay afuraan.
Dhinaca kale waxaa deeq raashin ah oo katimid isla dowladda Cumaan la gaarsiiyay dad danyar ah oo ku sugan degmada Balanbal ee gobolka Galguduud kuwaasoo loo qeybiyay raashikan oo isugu jira Bur,Bariis,Sokor,iyo Saliid waxaana dowladda Cumaan ay deeq qeybin noocaan ah ay ka wadaa degmooyinka iyo gobollada Soomaaliya intooda badan.
C/kariim Axmed Bulxan
Caabudwaaq
