Waxaa maanta tababar loo qaaday 43 askari oo ka mid ah kuwa ilaalada Madaxtooyada Qarnka kuwaasi oo ah Dufcadii afaraad ee lagu soo tababarayo dalkaasi Imaaraadka Carabta.
Ciidamadaan maanta loo qaaday dalkaasi Isu taga Imaaradka Carabta ayaa waxaa la soo bari doonaa Ilaalinta xafiisyada dowladda , Ilaalinta Wufuuda caalamka iyo Shaqsiyadka muhiimka ah ee Dowladda Soomaaliya, waxaana tababarkan uu socon doonaa muddo saddex bilood.
Safiirka dowladda Isutaga Maxamed Axmed Cusmaan Alxumaadi ayaa sheegay inay haatan gacanta ku hayaan dhismaha xarumo Booliis sida Marka, Afgooye, Baydhabo iyo Jowhar kuwaasi oo dhawaan la soo gaba gabeyn doono.
“ Dufcadan Afaraad waa tii ugu dambaysay ee la soo barayo habka loo ilaaliyo xafiisyada dowladda ee muhiimka ah iyo masuuliyiinta sar sare , marka loo geeyo saddex dufcadood oo ka horeeyay kuwan waxay noqonaysaa 210 askari “ sida waxaa yiri Maxamed Axmed Cusmaan Alxumaadi Safiirka Dowladda Imaaradka Carabta ee Soomaaliya .
Dhinaca kale waxaa maanta dadka la qaada ku jiray Canab Sheekh Maxamed oo ah muwaadinad Soomaaliya haysatana dhalashada dalka Kanada oo ah dadkii ku dhaawacmay qaraxii Mar 27, 2015 ka dhacay hotel Makka Almukarrama ee Magaalada caasimadda ah ee Muqdisho.
Dowladda Imaaradka carabta ayaa dowladda Federaalka ah ee Soomaaliya ka caawiya dhinacyada Tababarada iyo mashaariicda dib u dhiska dalka gaar ahaan wasaaradaha ,Isbitaalada Saldhigyada ciidamada iyo goobo kale oo muhiim ah.
