Wasiirka arrimaha gudaha dalka Masar, Magdy Abdul Ghaffaa ayaa waxba kama jiraan ku tilmaamay gabi ahaanba eedaymaha loo jeediyay ee ku aaddan ku xad-gudubka xuquuqda Aadanaha.
Wasiirka ayaa tilmaamay in laamaha amniga ee dalkiisu ay ku shaqeeyaan sharciga u degsan dalkooda balse ayan jirin ku xad gudub ay kula kaceen shacabka reer Masar.
Related posts
Hadalka wasiirka ayaa imanaya markii ย hayโadda u doodda xuquuqda aadanaha ee Amnesty International ay shaacisay in laamaha ammaanka Masar ay masโuul ka yihiin dil,Afdub, xarig iyo jir dil joogto ah oo sannadkii tagey 2015-kii ka dhacay dalkaasi.
Tacaddiyadan ayay hayโaddu ku sheegtay inay qayb ka yihiin dedaallo ay dowladda Masar ku cabburinayso mucaaridka, dadka la waayeyna ay ku jiraan carruur, arday, siyaasiyiin iyo muwaaddiniin reer Masar ah oo isku dayey inay muddahaaradyo sameeyaan.
Amnesty International ayaa dowladda Masar ku eedeysay kumanaan qof oo ay Ciidamada ammaanku kala baxeen guryahooda iyo goobaha ay ku sugan yihiin,kuwaasoo qaarkood la waayay halka ay ku sugan yihiin.
Dowladda Masar ee uu hoggaamiyo C/Fitaax Al-siisii oo talada dalka kala wareegay madaxweynihii sida sharciga loo soo doortay ee Maxamed Mursi sanadkii 2013,ayaa waxay awood ciidan ku maquunisay mucaaridka iyo ururka Iqwaanu Muslimiin oo ay ka mabnuucday dalkaasi.
