Dowladda Nigeria ayaa xaqiijisay in Wali gacanta dagaalyahanada Boko Haram ku maqan yihiin Gabdho Nigerian ah oo gaaraya 110,kuwaasi oo todobaadkii la soo dhaafay laga afduubtay iskuul ay wax ka baranayeen,sida ay Sheegtay Wakaaladda Wararka Dowladda.
Wasiirka Warfaafinta iyo dhaqanka dalka Nigeria, Alhaji Lai Mohammed ayaa ku dhawaaqay Axadii shalay in 110-Gabadho ee laga afduubtay iskuulka Dapchi wali la la’yahay,sida lagu qoray Wakaaladda Wararka Nigera ee MAN.
Gabadhaha iskuulka dhiganayay ayaa la afduubtay ka dib markii kooxo hubeysan ay weerar ku qaadeen Iskuulka Dowlada ee Cilmiga iyo Techlogiyada (Science and Technical College) oo ku yaalo magaalada Dapchi,ee Waqooyi bari Gobolka Yobe 19-kii bishan February.
Ku dhawaad 906-arday ayaa ku sugnaa Iskuulka xilligii weerarka uu dhacayay,sida uu sheegay Wasiirka Warfaafinta ee Nigeria Mr. Mohamed.
“ Ciidamada amaanka waxay u dhaqaaqeen sidii ay u baadi goobi lahaayeen Gabdhahaasi,”sida uu Wasiirka sheegay,ka dib kullan dhexmaray Mas’uuliyiinta maamulka Gobolka iyo Saraakiisha Federaalka ee magaalada Damaturu ee ka tirsan Gobolka Yobe.
Ciidamo Boolis iyo kuwo Madani ah ayaa lagu kordhiyay iskuulada Waxbarasho ee Gobolka Yobe si ay u difaacaan.
Diyaaradaha Qumaati u kaca ee loo yaqaano Helicopters ayaa ka qeyb qaadanaya baadi goobta Gabdhaha laga afduubtay iskuulka,waxaana madaxweynaha dalkaasi Mahamudu Buhari uu amray in sida ugu dhaqsiyaha badan gacanta Boko Haram looga soo soo saaro Gabdhaha.
