Dowlada Federalka Soomaaliya dadaal uga jirta sidii guud ahaan Goballada dalka looga sifeyn lahaa Argagaxisada Al-Shabaab ayaa ciidamado geysay degmooyin ka tirsan Gobolka Gedo..
Qaar ka mid ah Gobalada dalka ayaa maalmihii la soo dhaafey waxaa gaarey ciidamao si gaar ah u tababaran oo dowladda Federalka ugu talagashey in ay la dagaalamaan argagaxisada Al-Shabaab oo meelo fara ku tiris ah ay dalka ka joogaan.
Related posts
Wariyaha Warbaahinta Qaranka ee Gobalka Gedo Maxamed Macalin Aadan ayaa ku soo waramaya in Gobalka Gedo degmooyin badan oo ka tirsan 3dii maalin ee ugu dambeysey ay soo gaarayeen ciidamo aad u qalabeysan oo dowladda ka tirsan.
Meelaha Ciidamadan la geeyey ayaa waxaa ka mid ah Degmooyinka Baardheere, Beled-Xaawo iyo Luuq ee ka tirsan Gobolka Gedo, waxaana ay xoojin doonaan ciidamadii hore ee halkaasi ugu howlgeli jirey.
Saraakiisha Ciidamada ayaa sheegaya in ammaanka deegaanadaas ay yihiin kuwo dowladda ay si guud gacanta ugu heynso xiligan, ayna qorsheynayaan inay balaariyaan howlgallada ka dhanka ah Al-Shabaab..
