Dowladda Soomaaliya ayaa ku dhawaaqday guddi ka kooban qaar ka mid ah hay’adaha dowladda, kuwaasi oo ka shaqeyn doona ka hortaga Cudurka Coronavirus.
Guddigan oo ka kooban Wasaaradda Caafimaadka, Wasaaradda Gaadiidka iyo duulista Hawada iyo Hay’adda Socdaalka iyo Jinsiyadda ayaa waxaa ay xooga saari doonaan la socodka dadka ka soo degaya Garoonka diyaaradaha Caalamiga ah Aadan Cadde ee Muqdisho si looga fogaado Coronavirus oo dunida oo dhan ay la dagaalameyso.
Wasiirka Caafimaadka Xukuumadda Soomaaliya Dsr Fowsiya Abiirkar Nuur oo Warbaahinta la hadashey ayaa sheegtey in ka Wasaarad ahaan shaqa adag arintaas ay ka qaban doonaan.
Wasiirka Wasaaradda Gaadiidka iyo Duulista Hawada Mudane Maxamed Cabdullaahi Oomaar ayaa dhankiisa tilmaamey in dowladda Soomaaliya ay ka go’antahay in ay ka digtoonaato caabuqa Coronavirus.
