Maamulka Degmada Xuddur iyo saraakiisha ciidamada xoogga dalka ayaa booqasho ku tegay magaalada Moragabeey oo dhawaan ciidamada xoogga dalka iyo kuwa AMISOM ay ka saareen maleeshiyaadka Al-Shabaab
Taliyaha ciidanka xoogga dalka ee gobolka Bakool Kornayl Cabdiraxmaan Maxamed Tima-cadde oo ay wehliyaan Guddoomiyaha Degmada Xuddur Maxamed Macalim Axmed ayaa soo kormeeray magaalada, iyagoo u jeedka socdaalkooda la xiriirta sidii ay ugu kuurgali lahaayeen xaaladda benia’aadanimo ee magaalada ka jirta.
Mas’uuliyinta ayaa kulamo la qaatay odoyaasha dhaqanka ee magaalada Moragabeey, kuwaasi oo ay ka codsadeen inay is dajiyaan oo ay la shaqeeyaan ciidamada amniga, iyagoo baaq u diray dhalinta ay horey u qaldeen maleeshiyaadka Al-Shabaab inay ka waantoobaan oo ay isu soo dhiibaan gacanta ciidamada dowladda.
