Diyaaradda Daallo ayaa maanta markii shanaad keentay muwaadiniin ku xayirnaa dalka boqortooyada Sacuudi Cariba kuwaa oo ka koobnaa 15 Haween ,6 caruur iyo sidoo kale 54 rag waxaana ay dhammaan ubadnaayeen dad dhalinyaro ah taasi oo tirada maanta la keenay ka dhigtay 75 ruux halka sidoo kale ay la soceen 50 muwaadin oo aanan aheyd dad tarxiil ah marka laysku geeyo guud ahaan waana 125 ruux.
Dowladda Soomaaliya oo ka jawaabeysay cabashada muwaadiniinta Soomaaliyeed ee ku xayiran dalka dibaddiisa ayaa waxa ay dalalka Turkiga,Kenya,iyo Sacuudiga ka keentay muwaadiniin ku xanibnaa waxaana ay ka dambeysay ka dib markii Madaxweynaha Jamhuuriyadda Federaalka Soomaalia Maxamed Cabdullaahi farmaajo uu amray in guud ahaan dadka ku xayiran wadamada caalamka dalka dib loogu soo celiyo.
Tan iyo markii uu cudurka safmarka ee Covid-19 oo dunida ku faafay waxaa hakad galay dhammaan isku socodka dunida waxaana ilaa iyo hada ay tirada muwaadiniinta ay dowladda dalka keentay ay gaartay 581.
