Wasiirka Wasaaradda Maaliyadda Soomaaliya Cabdiraxmaan Ducaalle Beyle ayaa waxaa uu sheegay in dowladda Soomaaliya ay sameynayso qorshaha canshuuraha looga soo aruurinaayo Shacabka Soomaaliyeed.
Wasiirka ayaa sheegay in Shacabka Soomaaliyeed iyagoo qanacsan laga soo qaadaayo Canshuuraha ,islamarkaana dowladda Soomaaliya ay diyaar u tahay in cadeyso lacagtaasi Shacabka laga soo aruuriyay halka ay ku baxday.
Mudane Beyle ayaa sidoo kale waxaa uu Shacabka Soomaaliyeed ugu baaqay in ay canshuuraha bixiyaan ,si dalka hormar looga gaarsiiyo.
Cabdiraxmaan Ducaalle Beyle ayaa Shacabka Soomaaliyeed u iftiimayay kheyraadka ku jira Soomaaliya, isagoona xusay in Soomaaliya ay ka mid tahay dalalka Adduunka ugu kheyraadka badan.
