Guddga gurmadka fatahaadaha iyo roobabka ayaa sii laba jibaaray dadaalka la doonayo in dadkaasi loogu gurmado,waxaana jira gar gaar noocyo kaladuwan isugu jira oo la geeyey goobaha ay dhibaatooyinku ay ka dheceen sida Hiiraan,Baay iyo Gedo.
Hadaba halkan ka akhriso warbixin uu soo saaray guddigaasi oo ku saabsan arrinta Baladweyne.
Warbixintii Beledweyn ee 5, 6 da Nofember
Waxa weli socda hawlihii gargaarka ee loogu tala galay dadkii ka barakacay fatahaada ka dhacday magaalada Beledweyn.
Waxaa manta soo gaaray magalada Beledweyn cunno iyo agab ka yimid Dawlad Gobaleedyada Puntland iyo Galmudug iyagoo ka qayb qadanaaya gurmadka masiibada fatahadaha.
Sidoo kale, Wasiiradda Cafimaadka Fowsiya Abikar ayaa la kulantay saraakiil ka socota MSF ururka dhaqaatirta ee aan xuduudaha lahayn waxayna ka wada hadleen sida ay damacsan yahiin
in ay uga qeyb qataan gurmadka iyo waxyaabaha ay qorshaynayaan mustaqbalka. Wasiiradda Caafimaadka ayaa u mahadcelisay sarakiisha MSF ee xarun caafimaad ka furay goobta Ceel Jalle oo ka mid ah goobaha ay dadka qaar u barakaceen.
Waxaa si kordhaysa cabsida laga qabo in ay cudurro ka dilaacaan Beledweyn madaama ay weli biyo fadhiyaan guryahii iyo dariiqyadii ay biyaha ku fataheen.
Waxyaabaha la qeybiyey Maanta:
➢ Waxaa cunno loo qeybiyay 2,550 qoys.
➢ DRC waxay maanta qeybisay agab gaaraya 350 bundad oo ay u qaybisay qoysas
gaaraayo 350 oo ku sugnaa goobta Cell Jalle.
➢ Waxaa sidoo kale 410 qoys u qeybiyay agab guriyeed Hay’ada AVORD oo jaalka la ah
UNHCR.
➢ Waxaa kaloo la qeybiyay teendhoyin iyo maro kaneeco gaaraya 200 oo xabo.
➢ Waxaa biyo laga baxiyay Isbitaalka weyn ee magaalada si loogu shaqeeyo.
Waxyaabaha loo baahan yahay:
➢ Buufinta magaalada oo idil si loo xadido tirada kaneecada.
➢ Biyo dhaamin waxaa u baahan 20,930 qoys.
➢ 75% ceelasha magaaladu gudaheeda waxay u baahan yihiin dayactir.
➢ Waxaa loo baahan yahay ugu yaraan 100,000 oo marada kaneecada.
➢ Waxaa kale oo loo baahan yahay 15,300 oo kartoon oo cunada nafaqada ah.
Waxyaabaha Noo qabsoomay:
- Waxaa si rasmi ah manta loo furay xafiiska isku dubaridka gargaaarka.
- Waxaa wacyi gelin loo sameeyey dadka ka barakacay guryahooda si aysan deg deg ugu laban.
- Guddiga farsamada waxay manta la shireen dhamaan wafdigii heer Federaal iyo heer Maamul Gobaleed iyo qar ka tirsan Xildhibannada Golaha Shacabka ee ka soo jeeda Hiiraan si loo wada ansixiyo guddi ka kooban todobo qof oo mareeya lagacaha loogu yaboohay barakacayaasha.
