Deeqdani dawada ah ee Dowladda Soomaaliya ay kala wareegtay boqortooyada Sacuudi Carabiya ayaa waxaa loogu talo galay in lagu caawiyo dadka taagta daran ee ku dhaqan deegaannaddii dhawaan laga xoreeyay argagaxisada Al Shabaab.
Daawada oo eheyd mid badan ayaa laga soo dajiyay garoonka diyaaradaha Aadan Cadde ee magaalada Muqdisho iyadoo ay la socdeen muwaadiniin u dhashay boqortooyada Sacuudiga, waxaana daawadaasi oo ay la wareegtay Wasaaradda arrimaha gudaha ka hadlay xogahayaha joogtada ah ee wasaaradda arrimaha gudaha Dr Ismaciil Jimcaale Calasow, isagoo mahadceliyay deeqadaasi ay soo gaarsiisay Dowladda Sacuudiga.
Suleymaan bin Axmed Shareeca oo horkacayay wafdiga dowladda Sacuuudiga ay u wakiilatay deeqdaasi dawada ah ayaa la gaarsiin doonaa xaruumaha caafimaadka ee dadka loogu adeego Si wax Loogu qabto shacabka soomaaliyeed, sidoo kale suleymaan ayaa shegay in shacabka iyo dowladda Sacuudiga ay diyaar u yahiin in ay garab istaagan walaalahooda Soomaaliyeed.
Dhawaan ayay ahayd markii ay deeq daawa ah oo noocaan oo kale ah ay boqortooyada Sacuudiga ay soo gaarsiisay dalka kuwaa oo ka faa’ideystay shacabka Soomaliyeed oo dowladda Soomaaliyeed gaarsiisay.
