Dowladda Federaalka Soomaaliya, ayaa sheegtay in ay ay ka go’antahay Doorashooyin Soomaaliya ka dhaca, 2016’ka laakiin lagama-maarmaan ay tahay in deeq-bixiyayaasha ay soo Dadajiyaan mashruucyadii lagu heshiiyay
Wasiiru-Dowlaha Wasaaradda Arrimaha Gudaha iyo Federaalka Xukuumadda Soomaaliya mudane Cabdirashiid Maxamed Xidig ayaa sheegay in Sannadka 2016’ka ay doorashooyin Soomaaliya ka dhacayaan, isagoo tilmaamay in lagama maarmaan ay tahay in deeq bixiyayaasha Caalamka ay bixiyaan deeqihii ay ku Yabooheen si Rajada ah in Doorashooyinkaas ay qabsoomaan loo Hirgeliyo.
Dhinaca kale Wasiiru-Dowlaha ayaa ka hadlay Dagaallada ka socda Xadka Gobolka Galgaduud uu la wadoogo Ismaamulka Dowlad Deegaanka Soomaalida Itoobiya, isagoo sheegay in Arrintaas ay tahay mid lagu Xallin doono Nidaam Dowlad ahaan si loo joojiyo Dagaaladaas Dadkuna Si Nabad ah ay u wada Daganaadaan.
Ugu Dambayn Wasiiru-Dowlaha Wasaaradda Arrimaha Gudaha iyo Federaalka Xukuumadda Soomaaliya ayaa ka hadlay shaqa la,aanta ka jirtan Soomaaliya gaar ahaan tan haysata Dhallinyarada Waxbaratay ee ka baxay jaamacadaha dalka ku yaalla wuxuuna sheegay in shaqooyinkii ay qaban lahaayeen dhallinyarada ay gacanta ku hayaan dadkale oo Ajaanib ah shaqada taalla Soomaaliyana ay ku filan tahay dhammaan Ummadda Soomaaliyeed ee dalka ku nool, isagoo yiri dadaal dheeri ah ayaan ku bixin donna ka wasaarad ahaan in dhallinyaradu ay shaqooyin helaan
