Ra’iisul Wasaaraha Xukuumadda Federaalka ah ee Soomaaliya Xassan Cali Kheyre ayaa guddoomiyay Shirka joogtada ah ee guddiga Qaran ee xakameynta iyo ka hortagga Cudurka COVID19.
Shirka ayaa waxaa looga hadlay ballaarinta adeegga sheybaarka COVID19, maadaama kiisaska Coronavirus ee Soomaaliya ay kordheyn iyo heerka diyaarinta isbitaalka Martiin 2 oo geba-gebo mareysa.
Sidoo kale Guddiga ayaa waxaa ay shirkooda ku go’aamiyeen sidii Beledwayne loogu diri lahaa Injineero qiimeyn ku sameeya magaalada oo la sameeyo qorshe looga baaqsan karo fatahaadda wabiga Shabeelle uu ka geysanayo Magaaladaasi Beledweyne.
Shirka Guddiga ka hortagga Cudurka COVID-19 ayaa waxaa habeen walba ay ku yeeshaan Shirkooda mareegta dhinaca internetka,iyaga oo uga hadla xaaladaha Coronavirus iyo waxyaabihii kale ee soo kordha.
