Binali Yildirim R/wasaaraha Turkiga ayaa ku gooddiyay in dowladdiisa ay jawaab cad ka bixindoonto ka bixin doonto weerar loo adeegsaday gaari waxyaabaha qarxa lagu soo rakibay oo lagu qarxiyay bar kontorool oo ciidamo boolis ah ku lahaayeen magaalada Cizre oo ku taala xadka uu dalkaasi la wadaago Siiriya.
R/wasaaraha Turkiga Binali Yildirim oo shir jaraa’id saxaafadda u qabtay ayaa ku eedeeyay kooxda PKK in ay ka danbeysay weerarkaasi, wuxuuna wacad ku maray inay jawaabta ku haboon ka bixin doonaan weerarkaasi.
.Qaraxa oo dhacay shalay ayaa waxaa ku dhintay 11 askari oo ka tirsanaa ciidamada booliska ee magaalada Cizre, waxaana ku dhaawacmay 78 qof.
Magaalada Cizre ayaa dhawr jeer oo hore loogu soo rogay xukunno dagdag ah bilihii u dambeeyay iyada oo dawladda Turkigu ay la dagaalamaysay ururka PKK.
