Danjire Dr. Hodan Cusmaan Cabdi, Danjiraha Jamhuuriyadda Federaalka Soomaaliya ee Shiinaha, ayaa maanta si rasmi ah u gudbisay nuqulka Aqoonsiga Danjirenimo Agaasime Ku-Xigeenka Habmaamuuska Qaranka ee Wasaaradda Arrimaha Dibadda ee Shiinaha, Mudane Li Jinjin.
Kulanka oo ka dhacay Wasaaaradda Arrimaha Dibedda Shiinaha ee magaalada Beijing ayaa astaan u ahayd tallaabo muhiim ah oo lagu xoojinayo xiriirka diblomaasiyadeed ee Soomaaliya iyo Shiinaha. Danjiraha oo sharaxaad ka bixisay muhiimadda ay u leedahay masโuuliyadda matalaadda Soomaaliya, ayaa carabka ku adkeysay sida labada dal ay iskaashigooda uga sii faaโiideysan karaan mustaqbalka.
Related posts
Somalia iyo Shiinaha waa labo dal oo xiriir qotodheer oo taariikhi ah wadaaga, kuna dhisan is ixtiraam iyo wada shaqeyn. Intii uu socday kulanku, Danjiraha iyo Agaasime Ku-Xigeenka ayaa si gaar ah u adkeeyey muhiimadda sii xoojinta iskaashiga labada dhinac, iyagoo isla qaatay in la dardargeliyo qorsheyaasha danaha labada shacab ka dhexeya.
Kulanka oo ku soo dhammaaday si sharaf iyo niyadsami leh ayaa calaamad u noqday bilow cusub oo lagu xoojinayo xiriirka Soomaaliya iyo Shiinaha. Danjiraha ayaa uga mahadcelisay dowladda Shiinaha soo dhaweynta diirran iyo sida ay diyaar ugu tahay inay iskaashi dhow la yeelato Soomaaliya.
