Kulankan oo ay soo qaban qaabiyeen Jaaliyadda Galmudug ee dalka Kenya laguna soo dhaweynayay Duqa Caasimadda Dhuusamareeb Cabdiraxmaan Cali Maxamed “Geedi Qorow ” isla markaana looga hadlayayy horumarinta Caasimadda ayaa waxaa ka qeybgalay Salaadiin, Ugaasyo, Odoyaasha dhaqanka, haween, dhallinyaro iyo marti sharaf kale oo xafladda soo dhaweynta ah lagu casuumay.
Cabdiqaadir Carab Diiriye oo ah Xiriiriyaha Galmudug iyo Bankiga Adduunka ayaa madasha ku soo bandhigay qorshaha maamulka ugu talalagay dib u habeynta Caasimadda,
Qaar ka mid ah dadkii madasha ka hadlay ayaa tilmaamay inay ku faraxsanyihiin soo dhaweynta ay u sameynayaan Duqa Caasimadda Galmudug, iyagoo ku baaqay in laga wada shaqeeyo arrimaha dib u heshiisiinta, Amniga iyo inay dhankoooda ay ka qeyb qaadan doonaan horumarinta deegaaannada Galmudug .
Duqa Caasimadda Dhuusamareeb ee Galmudug mudane Cabdiraxmaan Cali Maxamed Geeda Qaorow oo ugu dambeyn xafladda ka hadlay oo ka mahadceliyey soo dhaweynta loo sameeyey ayaa sharaxaad ka bixiyay horumarada ay ku talaabsatay Galmudug
“11 degmo cusub ayaa la meermariyay oo noqotay degmooyin Buuxa., waxaana ka howlgala Ciidamada booliska, waxaa kaloo la howlgeliyay xarunaha Caafimaadka ee Hooyada iyo dhalaanka degmooyinka Galmudug” ayuu yiri Duqa Caasimadda Galmudug
Cabdiraxmaan Geeda Qaorow ayaa xusay in sanadkan la dhisayo Jaamacadda Galmudug, isagoo intaa ku daray “33 xubnood oo dadka reer Galmudug ayaa i soo doortay oo ah dhamaan qeybaha dega Galmudug, waxaana lagu guulaystay in degmooyinka loo dhisay Gole deegaan”
Mudane Geeda Qorow ayaa Jaaliyadda ka dalbaday inay gacan ka geystaan dhismaha iyo horumarinta Caasimadda oo ay maalgashadaan Deegaanada Galmudug
Duqa CaasimaddaGalmudug Cabdiraxmaan Geeda Qaorow “Galmudug horumaro balaaran ayay ku talaabsatay sanadkan waxan rajeyneynaa inaan hirgelino mashaariic kale oo horumarineed”
