Duqa degmada Beledweyne Cumar Aadan Deeqow oo la hadlay warbaahinta Qaranka ayaa sheegay in ganacsatada ku nool gobolka Hiiraan gaar ahaan magaalada Beledweyne in ay bixiyaan canshuurta ku waajibtay si loogu qabto adeegyada ay u baahan yihiin shacabka ku nool gobolka Hiiraan.
Duqa degmada Beledweyne ayaa sidoo kale sheegay in maamulka degmada ay sameyn doonaan tiro koob si loo ogaado tirada ganacsatada ee laga doonayo bixinta canshuurta.
“Boosaska dowladu leedahaya waxaan u sheegaynaa in ay isaga baxaan dhulkaasi isla markaana laga waan toobo, waa hanta dowladeed shakhsi ma isticmaali karo” ayuu yiri Duqa degmada Beledweyne.
Sidoo kale Duqa degmada Beledweyne Cumar Aadan Deeqow ayaa sheegay in dad badan oo aan aqoon u laheyn ay furteen goobo lagu iibiyo dawooyinka isla markaana dhibaato caafimaad daro ah ka dhalatay loona baahan yahay in qof kasta waxa uu cilmi u leeyahay uu ka iibiyo bulshada ku dhaqan gobolka Hiiraan
