Duqa Degmada Gaalkacyo Cabdiraxmaan Sheekh Xasan ayaa kadib muddo Afar bilood iyo Maalmo ah oo uu howlo shaqo ugu maqnaa Dalka Mareykanka isla markaana gaaray gobolo ka mid ah kuwa dalkaasi intii uu safarkiisa shaqo ku guda jiray ayaa bulshada reer Gaalkacyo warbixin buuxda ka siiyay guulaha laga gaaray safarkii uu ku tagay Gobolo ka tirsab dalka Mareykanka.
Kulan oo ay ka soo qeyb galeen Gufdooomiyaha Gobalka Mudug , Taliyaha qeybta booliska Gobalka Mudug , Xildhibaanno ka tirsan baarlamaanka Galmudug iyo qeybaha kala duwan ee bulshada reer Gaalkacyo ayaa duqa degmada Gaalkacyo Cabdiraxmaan Sheekh Xasan waxa uu bulshada si faah-faahsan ugula wadaagay warbixin dhameystiran oo ku aadan safarkii uu ku tagay dalka Mareykanka, Isagoo sheegay in uu ahaa mid guul kusoo dhamaaday waxbadan ku soo kordhin doona Horumarinta Degmada Gaalkacyo.
Kulanka ayaa intii lagu guda jiray qaar ka mid ah odayaashii iyo xubnihii kale ee bulshadu waxa ay uga mahadceliyeen Maamulka dowladda Hoose ee Dagmada Gaalkacyo waxqabadka la taaban karo ee ay muujiyeen muddadii ay talada hayeen iyagoo balan qaaday iney doorkooda ka.qaadanayaan horumarka ka socda Degmada Gaalkacyo.
Ugu danbeyna Xildhibaan Maxamed Cali Faarax oo ka mid ah mudanayaasha baarlamaanka Galmudug iyo Guddoomiyaha Gobalka Mudug Cabdinaasir Cabdulqaadir Cabdille ayaa sheegay in maamulka Degmada ay muujiyeen dadaal karti iyo waxqabad muuqda, maadaama xaalado adag ay ka jireen gobalka Mudug iyo magaalada Gaalkacyo Muddadii uu shaqeeynayay Maamulka uu hogaanka ka yahay Cabdiraxmaan Sheekh Xasan Jimcaale.
