Duqa Degmada Gaalkacyo Mudane Cabdiraxmaan Sheekh Xasan ayaa xafiiskiisa ku qaabilay saraakiil ka socotay Hayโaddaha WFP iyo NRC oo uu Hoggaaminayay Majok Peter oo ah Madaxa hay,adda NRC ee Koonfurta iyo bartamaha Soomaaliya, waxaana kulankaan diiradda lagu saaray dardar gelinta Mashruuca soo kabashada oo lagu taageerayo dadka nugul siiba barakacayaasha ku sugan magaalada Gaalkacyo iyo Deegaannada hoosyimaada.
Duqa Degmada Gaalkacyo Mudane Cabdiraxmaan Sheekh Xasan ayaa saraakiisha ka socday WFP iyo NRC la wadaagay dadaalada Dowladda hoose ee Degmada Gaalkacyo ee ku wajahan soo kabashada dadka nugul iyo ka war qabkooda , wuxuuna ka dalbaday xubnaha ka socday labada hay’adood in ay xoojiyaan hawlgaladooda taageerada danyarta iyo barakacayaasha si loo helo soo kabasho deg deg ah iyo isku filnaasho ay helaan dadka barakacayaasha ah ee ku nool Gaalkacyo iyo Deegaannada ku xeeran.
Related posts
