Dawladda hoose ee Xamar ayaa billowday diiwaangelinta gaadiidka dadweynaha ee ka shaqeeya Muqdisho.
Duqa Muqdisho Ahna Guddoomiyaha Gobolka Banaadir Mudane Cabdiraxmaan Cumar Cismaan (Eng. Yarisow) ayaa xafiiskii ugu horreeyey ee lagu diiwaangelinayo Gaadiidka Dadweynaha ka furay degmada Hodan, isagoo sheegay in ilaa shan degmo oo ka tirsan Caasimadda laga hirgelin doono barnaamijkan.
Related posts
โMaanta waxaan degmada Hodan ka furaynaa xafiiskii ugu horeeyey ee lagu diiwaangelinayo gaadiidka Bajaajta iyo BL-ka, ujeedada diiwaangelintan ka dambaysaana waa si ay cashuurta dawladda hoose sare ugu kacdo oo ay u kobocdo, si waxqabad loogu sameeyo, ujeedada labaadna waa in amniga lagu sugo, tani waa bilow waxaana diiwaangelintu gaari doontaa ilaa shan degmo inta kalana waa xigi doonaan.โAyuu yiri Eng. Yarisow.
Guddoomiyaha Gobolka Banaadir ayaa tilmaamay in hawsha lagu tiro-koobayo gaadiidka dadweynaha ee isticmaala waddooyinka Caasimadda ay muhiim u tahay amniga iyo horumarka magaalada, isagoo ugu baaqay gaadiidleyda in kaalintooda ay ka qaataan, iskana diiwaangeliyaan degmooyinkooda, si xaaladdooda loola socdo mar walba maadaama ay bulshada u adeegayaan.
โInagoo ka duulayna siyaasadda aan u dajinay gaadiidka waxaan goโaansanay in tiro-koobka loogu horraysiiyo gaadiidka dadweynaha, kuwa gaarka loo leeyahayna waanu tiro-koobi doonaa insha allah, habka aanu wax ku tiro koobaynaana waa hannaan awood inoo siinaya in wax walba ay maraan dariiq cad oo lagu wada xisaabtamayo.โAyuu raaciyey Duqa Muqdisho Mudane C/raxmaan Cumar Cusmaan.
Munaasabadda xariga looga jarayay Xafiiska Diiwaangelinta Gaadiidka dadweynaha ee BL iyo Bajaajta ayaa waxaa ka qeyb galay Guddoomiye ku-xigeenka Maamulka iyo Maaliyadda Mudane Xuseen Maxamed Nuur, Guddoomiyaha Degmada Hodan Mudane Maxamed Axmed Cantoobo iyo masuuliyiin ka tirsan waaxda gaadiidka Gobolka Banaadir.
