Guddoomiyaha Gobolka Banaadir Ahna Duqa Magaalada Muqdisho Mudane Cumar Maxamuud Maxamed (Cumar Filish) ayaa maanta ka qeyb galay Xuska sanad-guuradi 78-aad ee Aas-aaska Ciidanka Booliska Soomaaliyeed oo lagu qabtay Dugsiga Tababarka Ciidanka ee Jeneraal Kaahiye Ex- School Polozio.
Munaasabadan oo aheyd mid si weyn loosoo agaasimay isla markaana uu goobjoog ka ahaa Madaxweynaha Jamhuuriyadda Federaalka Soomaaliya Mudane Maxamed Cabdullaahi Maxamed Farmaajo ayaa waxaa Darajooyin loogu xiray Saraakiil ka tirsan Ciidanka Booliska Soomaaliyeed.
Guddoomiyaha Gobolka Banaadir Ahna Duqa Magaalada Muqdisho Mudane Cumar Maxamuud Maxamed (Cumar Filish) ayaa hambalyo u diray Saraakiisha, Saraakiil Xigeennada, Aliflayda, Dableyda iyo dhammaan qaybaha kala duwan ee Ciidanka Booliska Soomaaliyeed iyo qoysaskooda.
