Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa kulan la qaatay Guddiggii Gobolka Banaadir ee ka shaqeenayay diyaarinta Munaasabadihii 64 sano guurada kasoo wareegatay Maalmaha Xorriyadda dalka Soomaaliya ee 26-ka June iyo 1-da Luulyo.
Duqa Muqdisho ayaa ku amaanay Guddoomiyaha Guddiga ahna Guddoomiye Ku-xigeenka Amniga iyo Siyaasadda Mudane Maxamed Axmed Diiriye (Yabooh) iyo dhamaan xubnaha guddiga waajib gudashada Qaran iyo Juhdiga ay ku bixiyeen diyaarinta goobihii lagu qabtay Munaasabaddaha 26-ka June iyo 1-da Luulyo, taasi oo sanadkaan si weyn loogu maamuusay guud ahaan dalka.
