Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa maanta Moota Bajaaj cusub ku wareejiyay Muwaadin Abshir Maxamuud Cumar oo ah wiil yar oo agoon ah, isla markaana ka mid ah dadka baahiyaha gaarka ah qaba.
Duqa Magaalada Muqdisho ayaa Mootadaan u Hibeeyay Abshir Maxamuud Cumar si ay ugu noqoto mid Noloshiisa iyo tan Qoyskiisa wax ka badasha, isla markaana ay ka soo saartaan Nolol Maalmeedkooda.
Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa ugu baaqay Ganacsatada iyo inta wax heysata in ay garab qabtaan dadka danta yar, si ay ugu kaaf-toomaan ku tiirsanaanta gacmo kale, isla markaana ay u noqdaan dad iyagu isku filan.
