Ciidamada Xoogga dalka Soomaaliya iyo kuwa Maamul Gobolleedka Jubbaland ayaa maalmihii u danbeeyay waxay howlgal ka dhan ah Maleeshiyada Al-Shabaab ka wadeen deegaano hoos yimaada degmada Garbahaareey ee xarunta Gobolka Gedo.
Howlgalada ayaa ahaa kuwo lagu baacsanayay haraadiga Maleeshiyada Al-Shabaab,waxaana laga gaaray guulo la taaban karo.
Related posts
Ciidamada AMISOM ayaa ku soo biiray howlgalka oo duqeymo dhanka cirka ka fuliyay deegaano hoostada degmada Garbahaareey sida deegaanka Ceel-cadde oo maleeshiyada Al-Shabaab fariisin ay ku leeyihiin.
Guddoomiye ku-xigeenka koowaad dhanka Amniga iyo siyaasadda Gobolka Gedoย Aadan Siraad Maxamuud oo la hadlay Warbaahinta Qaranka ayaa xaqiijiyay in Kooxda Argagixisada Al-Shabaab uu khasaaro baโan ka soo gaaray duqeynta laga fuliyay deegaanka Ceel-cadde iyo deegaanada kale ee hoos yimaada magaalada Garbahaareey ee xarunta Gobolka Gedo.
Wuxuu sheegay in Maleeshiyada Al-Shabaabย duqeynta Khasaaro baโan ka soo gaartay balse aysan xaqiijin karin inta ay gaarsiisan tahay ayna wadaan baaritaan arrintaan ku aadan.
Sidoo kale,Guddoomiye ku-xigeenka Amniga iyo Siyaasadda Gobolka Gedoย Aadan Siraad Maxamuud ayaa sheegay in todobaad ka hor meel dhowr iyo toban KM u jirta Garbahaareey lagu weeraray Maleeshiyaad ka tirsan Al-Shabaab oo dad danyar ah xooga kaga uruursanayeen Xoolahooda,halkaasina looga dilay lix Maleeshiyo hub fara badana lagaga furtay.
Ciidamada Xoogga dalka Soomaaliyeed ayaa dadaal ugu jira sidii Shacabka Soomaaliyeed kaga dul qaadi lahaayeen Kooxda argagxisada Al-Shabaab oo hadda meelo badan oo dalka mid ah laga xoreeyay inta yar ee harsana si dhuumaaleysi dhulka howdka ah ku joogaan.
